Ըստ լիբանանեան ՙԷլ.Պի.Սի.Այ.՚ պատկերասփիւռի կայանին, սահմանագծումի հարցով ԱՄՆ-ի պատուիրակ Ամոս Հոքշթայնի այցելութեան թուականը յստակ չէ: Սակայն ան երբ Լիբանան այցելէ, իր հետ պիտի բերէ Իսրայէլի պատասխանը եւ ամերիկեան որոշումը` սահմանագծումի բանակցութիւնը յաջողութեամբ պսակելու:
Ֆրանսական ՙԹոթալ՚ ընկերութիւնը, որ պիտի աշխատի թիւ 9 պլոքին վրայ, կը սպասէ բանակցութեան արդիւնքին որեւէ քայլ չառած:
Ըստ լիբանանեան աղբիւրի մը, տակաւին այցելութեան թուականը յայտնի չէ եւ որեւէ գործնական քայլ չէ առնուած, այլ միայն իսրայէլեան մամուլին մէջ խոստումներ կան: Լիբանանեան կողմը հաստատ է իր պահանջին վրայ. մինչեւ թիւ 23 գիծ եւ ՙԿանա՚ դաշտը ամբողջութեամբ:
