Ռուսիոյ Դաշնութեան Ապահովութեան խորհուրդի փոխնախագահ Տմիթրի Մետվետեւ յայտարարեց, թէ կը նախատեսէ որ բնական կազի իւրաքանչիւր հազար խորանարդ մեթրի գինը բարձրանայ 5000 եւրոյի, այս տարուան վերջաւորութեան: Ներկայիս այդ գինը 3400 եւրօ է:
Միւս կողմէ, Աւստրիոյ վարչապետ Քարլ Նիհամըր յայտարարեց, թէ պէտք է վերջ գտնէ քաոսը ուժանիւթի շուկային մէջ եւ Ռուսիոյ նախագահ Վլատիմիր Փութինը չէ որ պիտի որոշէ Եւրոպայի մէջ ուժանիւթին գինը:
Իսկ Միացեալ Թագաւորութեան նախկին վարչապետ Պորիս Ճոնսըն յայտարարեց, թէ յաջորդ ամիսները դժուար պիտի ըլլան բրիտանացիներուն համար եւ ուժանիւթի սակը կրնայ մտային անհանգստութեան պատճառ դառնալ շատ մը քաղաքացիներու համար:
Միացեալ Թագաւորութեան ուժանիւթի սպասարկութիւնը գինի 80 առ հարիւր յաւելում ճշդած է 1 Հոկտեմբերէն սկսեալ:
