Բրիտանական «Ֆայնենշըլ Թայմզ» օրաթերթը հրապարակեց լուր մը, ըստ որուն, Եւրոպական միութեան արտաքին գործերու նախարարները իրենց յաջորդ ժողովին կրնան ջնջել անցագրի համաձայնութիւնը Ռուսիոյ Դաշնութեան հետ: Այս որոշումը կրնայ կայացուիլ 30 Օգոստոսի ժողովին, Չեխիոյ մայրաքաղաք Փրակի մէջ: Հարկ է նշել, թէ Ֆինլանտայի, Լաթվիայի եւ Էսթոնիոյ իշխանութիւնները պահանջած էին առնել այս քայլը` պատժելու համար Ռուսիան, Ուքրանիոյ վրայ կատարած իր յարձակումին պատճառով:
