Աշխարհի մինչեւ 20 տարեկան կիներու ֆութպոլի բաժակի վճռական, քառորդ աւարտական հանգրուանի մրցումները շարունակուեցան Քոսթա Ռիքայի մարզադաշտերուն վրայ: Քառորդ աւարտական հանգրուանի վերջին մրցումներուն արձանագրուեցան հետեւեալ արդիւնքները.
– Նիկերիա – Հոլանտա 0-2
– Ճափոն – Ֆրանսա 3-3 տուգ.5-3
Երրորդ մրցումին, Հոլանտայի հաւաքականը կրցաւ յաղթել Նիկերիոյ զօրաւոր հաւաքականին, ՙՓՍՎ՚ի յարձակող Հուլսուիթի` 11-րդ եւ ՙԱյաքս՚ի Հենրիի` 33-րդ վայրկեաններուն նշանակած կոլերով: Չորրորդ մրցումը ամենահետաքրքրականն էր: Ճափոն մրցեցաւ Ֆրանսայի հաւաքականին դէմ: Մրցումի 15-րդ վայրկեանին ՙՓարի Սէն Ժերմէն՚ի կիսապաշտպան Ֆոլքէ նշանակեց Ֆրանսայի կոլը, Լը Կիյիի փոխանցումով: Սակայն յարձակող Եամամոթօ տուգանայինով` 33-րդ եւ յարձակող Համանօ` 48-րդ վայրկեաններուն հաշիւը դարձուցին 2-1, Եամամոթոյի մէկ փոխանցումով: 84-րդ վայրկեանին, ՙՄոնփելիէ՚ի յարձակող Մպաքէմ-Նիարօ հաշիւը դարձուց 2-2, Պեշոյի փոխանցումով: Մրցումի հիմնական ժամանակը աւարտեցաւ հաւասարութեամբ: Երկարաձգումի 110-րդ վայրկեանին երկրորդ դասակարգի ՙՍթրասպուրկ՚ի կիսապաշտպան Հոլցէլ նշանակեց Ֆրանսայի երրորդ կոլը, Ֆոլքէի փոխանցումով: Սակայն մրցումի 120+5-րդ վայրկեանին, փոխարինող յարձակող Ֆուճինօ տուգանային հարուածով հաշիւը դարձուց 3-3: Դիմուեցաւ տուգանային հարուածներու եւ ճափոնցիները յաղթանակ տարին:
Կիսաւարտական հանգրուանին պիտի մրցին հետեւեալ խումբերը.
Սպանիա – Հոլանատ եւ Պրազիլ – Ճափոն:
