ՀՀ կրթութեան, գիտութեան, մշակոյթի եւ մարմնակրթութեան նախարարի տեղակալ Կարէն Գիլոյեան ընդունած է հայ բռնցքամարտիկները, որոնք 2 ոսկէ եւ 4 պրոնզէ մետալ նուաճած են Թուրքիոյ Էրզրում քաղաքին մէջ օրերս տեղի ունեցած կրտսեր տարիքի պատանիներու Եւրոպայի ախոյեանութեան:
Եւրոպայի ախոյեանի կոչումը նուաճած են Համեստ Աֆրիկեանը (42 քկ) ու Սամուէլ Սիրամարգեանը (66 քկ): Պրոնզէ մետալներուն արժանացած են Վահրամ Տովլաթբեկեանը (40 քկ), Տիգրան Յովսէփեանը (50 քկ), Ալէն Ստեփանեանը (57 քկ) եւ Հայկ Ղահրամանեանը (75 քկ):
Հանդիպման, բացի մետալակիր մարզիկներէն, ներկայ եղած է նաեւ Հայաստանի բռնցքամարտի ֆետերասիոնի նախագահ Յովհաննէս Յովսէփեանը:
ԿԳՄՄ նախարարին տեղակալը շնորհաւորած է պատանի բռնցքամարտիկները հիանալի ելոյթներուն ու արձանագրած արդիւնքներուն համար.
Հայաստանի բռնցքամարտի ֆետերասիոնի նախագահ Յովհաննէս Յովսէփեանի խօսքով` հաւաքականի կազմին մէջ եղած են նաեւ այլ բռնցքամարտիկներ, որոնք արժանի էին մետալներ նուաճելուն: Ֆետերասիոնի նախագահը փաստած է, որ առաջին անգամ է ի պատիւ հայ բռնցքամարտիկներու Թուրքիոյ մէջ հնչած է հայոց օրհներգը:
Կրտսեր տարիքի պատանիներու Եւրոպայի ախոյեանութեան Հայաստանը ներկայացուցած են 15 տղայ եւ 5 աղջիկ:
