Հակափտծութիւն կոմիտէն բացայայտած է 4,5 միլիառ դրամի համայնքային եւ պետական սեփականութիւն հանդիսացող հողատարածքներու յափշտակութեան դէպքեր. մեղադրանք ներկայացուած է 6 անձի, այդ շարքին` ՀՀ Կադաստրի կոմիտէի նախկին պաշտօնեայի:
ՀՀ հակափտածութեան կոմիտէին մէջ ՀՀ Կադաստրի կոմիտէին հետ համագործակցուած աշխատանքի շնորհիւ նախաձեռնուած քրէական վարոյթի շրջանակին մէջ ձեռք բերուած են յանցանքի կատարումը վկայող փաստեր այն մասին, որ ՀՀ Կադաստրի կոմիտէի նախկին պաշտօնեան` Գ.Մ., շարք մը անձերու օժանդակութեամբ, ինչպէս նաեւ պաշտօնատար անձերու կողմէ ծառայողական լիազօրութիւնները չարաշահելու եւ պաշտօնէական կեղծիքներ կատարելու հետեւանքով խարդախութեամբ յափշտակած է ընդհանուր շուրջ 4,5 միլիառ դրամ շուկայական արժէքով 7 հողատարածքներ, որոնցմէ 4-ը նախնական համաձայնութեամբ յափշտակած է իր մտերիմ Ա.Մ.-ի հետ:
Նախաքննութեամբ պարզուած է, որ 2007-2014 թուականներու ընթացքում Գ.Մ.-ն, ՀՀ Կադաստրի կոմիտէին մէջ տարբեր պաշտօններ զբաղեցնելով, մտերիմ յարաբերութիւններ հաստատած է նոյն կառոյցի այլ պաշտօնատար անձերու հետ: Այնուհետեւ վերջիններուս օգնութեամբ Գ.Մ.-ն 2016-2017 թուականներուն, Ա.Մ.-ի հետ նախնական համաձայնութեամբ, մտադրուած է դիտաւորութեամբ փաստերը խեղաթիւրելու միջոցով յափշտակել առանձնապէս մեծր չափերու համայնքային եւ պետական սեփականութիւն հանդիսացող շուրջ 80 հազար քառակուսի մեթր ընդհանուր մակերեսով հողատարածքներ:
Նախաքննութեան ընթացքին հիմնաւորուած է, որ Գ.Մ.-ի եւ Ա.Մ.-ի կողմէ յափշտակուած են ներքոյիշեալ համայնքային եւ պետական սեփականութիւն հանդիսացող հողատարածքները, որոնք ձեւակերպուած են վերջիններուս օժանդակած տարբեր անձերու անուններով:
Նախաքննութիւնը կը շարունակուի: Կը ձեռնարկուին անհրաժեշտ քննչական գործողութիւններ եւ հետախուզական միջոցառումներ` համայնքային եւ պետական սեփականութիւն հանդիսացող հողատարածքներու յափշտակութեան յանցաւոր ծիրին մէջ ընդգրկուած բոլոր անձերու, այդ շարքին` ՀՀ Կադաստրի կոմիտէին եւ Երեւանի քաղաքապետարանին մէջ պաշտօններ զբաղեցուցած, առերեւոյթ պաշտօնէական դիրքը չարաշահած եւ պաշտօնէական կեղծիք կատարած անձերուն ինքնութիւնները պարզելու ուղղութեամբ:
