Անգլիոյ ֆութպոլի ախոյեանութեան 3-րդ հանգրուանի մրցումներու ծիրին մէջ, երկրորդ դիրքը գրաւող ՙԱրսենալ՚ը իր դաշտէն դուրս յաղթեց 11-րդ դիրքը գրաւող ՙԱՖՍ Պորնմըթ՚ին ու առժամաբար գրաւեց առաջատարի դիրքը: Նորվեկիացի կիսապաշտպան Էօտըկաարտ` 5-րդ, 11-րդ եւ ֆրանսացի պաշտպան Սալիպա` 54-րդ վայրկեաններուն նշանակեցին ՙԱրսենալ՚ի կոլերը, կապրիէլ Խեսուսի եւ Խաքայի մէկական փոխանցումներով: 4-րդ դիրքը գրաւող ՙԹոթընհէմ Հոցփըր՚ը իր դաշտին վրայ յաղթեց 14-րդ դիրքը գրաւող ՙՎուլվըրհեմփթըն Ուոնտըրըրզ՚ին, յարձակող Քէյնի 64-րդ վայրկեանին նշանակած կոլով, Փերիշիչի փոխանցումով: Իսկ ՙԼիծ Եունայթըտ՚ իր դաշտին վրայ յաղթեց ՙՉելսի՚ին ու գրաւեց 2-րդ դիրքը: Ամերիկացի յարձակող Աարոնսըն` 33-րդ, սպանացի յարձակող Ռոտրիկօ` 37-րդ եւ յարձակող Հարիսըն` 69-րդ վայրկեաններուն նշանակեցին ՙԼիծ՚ի կոլերը: Ստորեւ տեսնել արձանագրուած արդիւնքները.
– Թոթընհէմ Հոցփըր – Վուլվըր. Ուոնտըրըրզ 1-0
– Էվըրթըն – Նոթինկհէմ Ֆորեսթ 1-1
– ԱՖՍ Պորնմըթ – Արսենալ 0-3
– Լիծ Եուն. – Չելսի 3-0
– Ուեսթ Հէմ Եուն. – Պրայթըն Եւ Հով Ալպ. 0-2
