Համայնքներու տնտեսական եւ ըննկերային ենթակառուցուածքներու զարգացման ուղղուած ծրագրով` կառավարութիւն-համայնք համագործակցութեան շնորհիւ մեկնարկած են Աշոցք համայնքի Արփենի, Բաշգիւղ, Փոքր Սարիար եւ Կրասար բնակավայրերու խմելու ջրագիծերու վերանորոգման եւ վերակառուցման աշխատանքները: Շիրակի մարզպետին յանձնարարութեամբ մարզպետարանի ոլորտային պատասխանատուները այս ծրագրերու ընթացքին ծանօթանալու, աշխատանքներուն մէջ թերացումներն ու ձգձգումները բացառելու նպատակով կ՛այցելեն համայնքներ: Հերթական այցելութեան ընթացքին մասնագէտները եղած են Աշոցք համայնքի Կրասար բնակավայրի խմելու ջրագիծի աղբիւրակապի կառուցման տեղամասին մէջ: Աշխատանքները կ՛իրականացուին կառավարութեան 70% եւ hամայնքային` 30% համաֆինանսաւորմամբ: Ծրագրին ընդհանուր արժէքը 92 միլիոն դրամ է:
Մեկնարկած են նաեւ Աշոցք բնակավայրի պուրակի կառուցման աշխատանքները: Կառավարութեան 45 տոկոս համաֆինանսաւորման շնորհիւ 2022-2023 թուականներուն պիտի իրականացուի 127 միլիոն 607 հազար դրամի աշխատանք: Աշխատանքներու առաջին փուլի ընդհանուր արժէքը 42 միլիոն 420 հազար է:
Կառավարութիւն-համայնք համագործակցութեան շնորհիւ Աշոցքի Սարագիւղ, Բաւրա, Ղազանչի բնակավայրերուն մէջ ալ բնական կազի ներքին ցանցի կառուցման աշխատանքներ կ՛իրականացուին: Ծրագրին ընդհանուր արժէքը 51 միլիոն 578 հազար դրամ է: Պետական ներդրման մասը 60 տոկոս է, համայնքը պիտի ներդնէ գումարին 40 տոկոսը:
