Հայաստանի Հանրապետութեան վարչապետ Նիկոլ Փաշինեան այցելել է Արեւելեան մաքսատուն-վարչութեան Բագրատաշէնի մաքսային-կէտ բաժին: Նիկոլ Փաշինեան Պետական եկամուտներու կոմիտէի նախագահ Ռուստամ Բատասեանի ուղեկցութեամբ շրջայց կատարած է, ծանօթացած է վերջինիս գործունէութեան, սահմանահատման գործընթացի կազմակերպման, մուտքի եւ ելքի ընթացակարգի առանձնայատկութիւններուն, արտաքին տնտեսական գործունէութիւն իրականացնողներուն եւ քաղաքացիներուն մատուցուող ծառայութիւններուն:
Վարչապետին ներկայացուած են մաքսակէտի վերակառուցման ուղղութեամբ իրականացուող աշխատանքները, գործունէութեան կազմակերպման նոր ձեւը, առկայ խնդիրներն ու անոնց լուծման ուղղութեամբ իրականացուելիք բարեփոխումները եւ քայլերը:
Վարչապետ Փաշինեան կարեւորած է սահմանային անցակէտերու արդիականացման, մատուցուող ծառայութիւններու շարունակական բարելաւման, մաքսային գործառոյթներու արդիւնաւէտութեան բարձրացման ուղղուած ծրագրերը` շեշտելով աշխատանքներու որակեալ իրականացման անհրաժեշտութիւնը:
