Հայաստան-Վրաստան սահմանի Բագրատաշէնի հատուածին մէջ տեղի ունեցած է ժողով Հայաստանի վարչապետ Նիկոլ Փաշինեանի եւ Վրաստանի վարչապետ Իրաքլի Ղարիպաշվիլիի միջեւ: Հայաստան-Վրաստան բարեկամութեան կամուրջի բացումն էր, որ առիթ ընծայեց այս ժողովին: Երկու կողմերը այս կամուրջին բացումը համարեցին երկու երկիրներու միջեւ բարեկամութեան եւ առեւտուրի խթան:
Հայաստանի եւ Վրաստանի վարչապետները քննարկեցին երկու երկիրներուն միջեւ յարաբերութեան զարգացումի միջոցները: Անոնք քննարկեցին նաեւ տարածաշրջանին մէջ տեղի ունեցող փոփոխութեան հոլովոյթը:
