Ռուսիոյ Դաշնութեան Ապահովութեան խորհուրիդ քարտուղար Նիքոլայ Փաթրուշեւ յայտարարեց, որ Միացեալ Նահանգներ կը փորձէ Աֆղանիստանի շուրջ հաստատել առժամեայ ենթակառուցուածք մը, ահաբեկչութեան դէմ պայքարելու պատրուակով: Խօսելով Շանկհայի համախմբումի անդամ երկիրներու ապահովութեան խորհուրդի քարտուղարներու համագումարին առջեւ ան յայտարարեց, որ վերջին ռազմափորձը, որուն մասնակցեցան Ղազախստան, Քիրկիզիա, Իւզպէքիստան, Փաքիստան եւ Մոնկոլիա, կը գտնուի այս ծիրին մէջ:
