Լիբանանի գաղթականներու հարցի նախարարի պաշտօնակատար Իսամ Շարաֆըտտին յայտարարեց, որ ինք համաձայն չէ նշանակեալ վարչապետ Նեժիպ Միքաթիի` գաղթականներու հարցը վարելու ձեւին հետ: Նախարարը յայտարարեց, որ ինք ունի այս հարցով զբաղելու լիազօրութիւն եւ եթէ վարչապետը իրմէ ետ պիտի առնէ զայն, թող յայտարարէ բոլորին առջեւ:
Շարաֆըտտին աւելցուց, որ Միքաթի ըլլաով գործարար, որ ընկերութիւններ ունի արտերկրի մէջ, չ՛ուզեր իր յարաբերութիւնը պղտորել Արեւմուտքի ղեկավարներուն հետ, որոնք կ’ուզեն այս հարցը չլուծուած պահել: Մինչ, ըստ նախարարին, Լիբանանի առողջ ուժերը կը փափաքին լուծել այս մարդասիրական հարցը երկու դրացի երկիրներու շահերէն մեկնելով:
