Ռուսիոյ Դաշնութեան նախագահ Վլատիմիր Փութին հեռաձայնային հաղորդակցութիւն ունեցած է Ֆրանսայի նախագահ Էմանուէլ Մաքրոնի հետ: Օրակարգին հիմնական նիւթն էր Ուքրանիոյ տագնապը եւ Փութին տեղեակ պահեց Ֆրանսայի նախագահը այն խոչընդոտներուն մասին, որոնք կը յարուցուին պարարտացուցիչ եւ հացահատիկ արտածելու պարագային:
Ռուսիոյ նախագահը զգուշացուց Մաքրոնը Զապորոժիէ հիւլէակայանի վտանգաւոր վիճակէն եւ երկու նախագահները կոչ ուղղեցին հիւլէական քննիչներու` անմիջապէս ուղղուելու այդտեղ եւ տեղեկագիր պատրաստելու վիճակին մասին:
