Սահմանագծումի հարցով ԱՄՆ-ի յատուկ պատուիրակ Ամոս Հոքշթայնի ուշանալը չի նշանակեր, որ բանակցութիւնները ձախողած են: Հիմնական հարցը այն է, որ Իսրայէլ կը պահանջէ երաշխիքներ Հըզպալլայէն, թէ մինչեւ Սեպտեմբերի կէսը չհամաձայնելու պարագային ան պիտի չռմբակոծէ բնական կազի արտադրութեան կայանները ծովուն մէջ: Իսրայէլ պատուիրակներու միջոցով լուր ղրկած է, որ կ’ընդունի Լիբանանի պայմանները ու միակ պահանջը Հըզպալլայի սպառնալիքի սառեցումն է:
Ըստ լաւատեղեակ աղբիւրներու, Իսրայէլ ընդունած է Լիբանանի թիւ 23 գիծի հաստատումը եւ Լիբանանի իրաւունքը Կանայի դաշտին մէջ: Իսրայէլի պատասխանատուներ ճնշումի կ’ենթարկուին կազ արտադրող ընկերութիւններուն կողմէ, որոնք կ’ուզեն շուտով օգտագործել Քարիշի դաշտը արտածումի համար:
