Պէյրութ, 19 Օգոստոս 2022
Սոցիալ Դեմոկրատ Հնչակեան Կուսակցութեան Լիբանանի Շրջանի Վարիչ Մարմինը, Կիրակի, 14 Օգոստոս 2022-ին, Երեւանի ՙՍուրմալու՚ առեւտուրի կեդրոնին մէջ պատահած ահաւոր եւ ողբերգական պայթումին առիթով, իր խորազգաց ցաւակցութիւնները կը յայտնէ Հայաստանի Հանրապետութեան ղեկավարութեան, զոհուածներու ընտանիքներուն եւ մտերիմներուն, ինչպէս նաեւ շուտափոյթ ապաքինում կը մաղթէ բոլոր վիրաւորներուն :
Մեր միակ ցանկութիւնն է, որ Տէր Աստուած պահպանէ հայազգի զաւակները ամէն տեսակի աղէտէ, եւ անոնց շնորհէ առողջութիւն եւ համերաշխութիւն, խաղաղ ու բարգաւաճ հայրենիքի տարածքին:
Ի դիմաց`
Ս.Դ.Հ.Կ. Լիբանանի Շրջանի Վարիչ Մարմինի
* Սոյն ցաւակցագիրը, ՍԴՀԿ Լիբանանի Շրջանի Վարիչ Մարմինին անունով արձանագրուած է Լիբանանի մէջ Հայաստանի Հանրապետութեան դեսպանութեան մօտ` այս տխուր առիթին համար յատկացուած մատեանին մէջ:
