Հայաստանի կառավարութիւնը 757 միլիոն դրամ պիտի յատկացնէ Հայաստանի 15 բնակավայրերու մէջ 15 ծրագիրներու իրականացման համար: Կառավարութեան նիստին ժամանակ նախագիծը ներկայացուց տարածքային կառավարման եւ ենթակառուցուածքներու նախարար Գնէլ Սանոսեանը:
Նշուած ծրագրային յայտերը հիմնականին մէջ ուղղուած են համայնքներուն մէջ ընդհանուր ներդրումներուն` մասնաւորապէս. համայնքներուն մէջ փողոցներու, այգիներու, պուրակներու, խաղահրապարակներու բարեկարգման, համայնքային շէնքերու, մշակութային տուներու, մանկապարտէզներու, հանդիսութիւններու սրահներու կառուցման ու նորոգման, խմելու, կոյուղիի, ոռոգման ջրագիծերու կառուցման ու նորոգման եւ գիշերային լուսաւորութեան կայացման, բնակավայրերու կազաֆիքացման, բազմաբնակարան շէնքերու ընդհանուր բաժնային սեփականութեան գոյքի նորոգման` ուժանիւթ խնայող միջոցառումներու կիրառմամբ:
Գումարը պիտի յատկացուի Արագածոտնի, Արարատի, Արմավիրի, Գեղարքունիքի, Լոռիի, Շիրակի, Սիւնիքի եւ Տաւուշի մարզպետարաններուն:
