2020 թուականի Օգոստոսին Պէյրութի մէջ տեղի ունեցած պայթումէն յետոյ վարչապետ Նիկոլ Փաշինեան համապատասխան գերատեսչութիւններուն յանձնարարած է հաւաքել տեղեկատուութիւն բոլոր հնարաւոր այն կէտերուն մասին, որոնք ունին պայթիւնավտանգ նիւթեր: Կառավարութեան նիստին ժամանակ վարչապետը ըսաւ, որ ինք փորձած է հաշուետուութիւն ստանալ տրուած յանձնարարականի կատարման վերաբերեալ:
ՙՏեղեկատուութիւնը կ՛ամփոփուի: Նաեւ պէտք է յանձնարարեմ Պետական վերահսկողական ծառայութիւնը յստակ իրականացնէ ուսումնասիրութիւն եւ զեկուցէ, թէ իմ յանձնարարականս ինչպէս կատարուած է՚, ըսաւ վարչապետը:
Վարչապետ Փաշինեանի խօսքով` ՙՍուրմալու՚ առեւտուրի կեդրոնին մէջ համապատասխան տեսչական մարմինը 2021 թուականի գարնան կատարած է ստուգումներ եւ արձանագրած է խախտումներ:
ՙԱյս տեղեկութիւնը յայտնի է, բայց ամէն պարագային ինծի անհրաժեշտ է խորքային ուսումնասիրութիւն, թէ բովանդակային առումով ինչպէս կատարուած է յանձնարարականը: Այդ յանձնարարականը ժամկէտով սահմանափակուած չէ եղած: Պէյրոյթի պայթումէն յետոյ խնդիր դրուած է միջոցներու ձեռնարկել, որպէսզի Հայաստանի մէջ նմանատիպ իրադարձութիւն տեղի չունենայ՚, ըսաւ վարչապետը:
