Երկարատեւ հիւանդութենէ ետք մահացաւ Լիբանանի խորհրդարանի նախկին փոխնախագահ, Քուրայի շրջանի երեսփոխան Ֆարիտ Մաքարին: Ան ծնած է 1947 թուականին եւ ճարտարապետութեան վկայական ստացած է ԱՄՆ-ի ՙՕսթին՚ համալսարանէն: Ապա գործի անցած է նահատակ վարչապետ Ռաֆիք Հարիրիի հիմնած ՙՕժէ՚ ընկերութեան մէջ: 1992-ին մտաւ խորհրդարան եւ կը համարուէր Ռաֆիք Հարիրիի ամենավստահելի գործընկերներէն մէկը: 2005-ին ընտրուեցաւ Խորհրդարանի փոխնախագահ:
