Մալիի Արտաքին գործերու նախարարութիւնը կը պահանջէ Միացեալ ազգերու կազմակերպութեան Ապահովութեան խորհուրդի արտակարգ նիստի գումարում, քննարկելու համար Ֆրանսայի թշնամական քաղաքականութիւնը երկրին նկատմամբ: Նախարարութիւնը ամբաստանեց Ֆրանսան` երկրին հանդէպ թշնամական քաղաքականութիւն վարելու, ծայրայեղական իսլամական կազմակերպութիւններու օժանդակութեամբ երկիրը ապակայունացնելով եւ լրտեսութեամբ: Մայրաքաղաք Պամաքոյի մէջ իշխող զինուորական վարչակարգին եւ Ֆրանսայի միջեւ յարաբերութիւնը անկում արձանագրեց վերջին ամիսներուն:
