Սերպիոյ Հանրապետութեան նախագահ Ալեքսանտր Վուչիչը ցաւակցական հեռագիր յղած է Հայաստանի Հանրապետութեան նախագահ Վահագն Խաչատուրեանին ՙՍուրմալու՚ առեւտուրի կեդրոնին մէջ բռնկած հրդեհին եւ պայթումին հետեւանքով տեղի ունեցած ողբերգութեան առիթով:
Հեռագրին մէջ մասնաւորապէս կ՛ըսուի.
ՙԵրեւանի մէջ գտնուող առեւտուրի կեդրոնին մէջ բռնկած հրդեհին հետեւանքով տեղի ունեցած ողբերգութեան առիթով թոյլ տուէք իմ խորին ցաւակցութիւնը յայտնել Ձեզի եւ զոհուածներու ընտանիքներուն:
Կը խնդրեմ անկեղծ ցաւակցութիւնները փոխանցել անոնց, որոնք դեռ կը փնտռեն իրենց սիրելիները, իսկ վիրաւորներուն մաղթել շուտափոյթ եւ ամբողջական ապաքինում՚:
