Վրաստանի վարչապետ Իրաքլի Ղարիպաշվիլին իր ցաւակցութիւնը յայտնած է հայ ժողովուրդին` Երեւանի ՙՍուրմալու՚ առեւտուրի կեդրոնին մէջ տեղի ունեցած մահաբեր պայթումին առիթով:
ՙԽորապէս վշտացած եմ Հայաստանի մայրաքաղաքին մէջ` հրավառելիքներու պահեստին մէջ տեղի ունեցած մահաբեր պայթումին մասին լուրերով, որուն հետեւանքով կան նաեւ անհետ կորսուածներ եւ վիրաւորներ: Այս վիշտի պահուն անկեղծ ցաւակցութիւնս կը յայտնեմ մեր հայ բարեկամներուն: Մեր մտքերն ու աղօթքները այս ողբերգութեան հետեւանքով զոհուած մարդոց ընտանիքներուն եւ հարազատներուն հետ են՚, Թուիթըրի իր էջով գրած է Վրաստանի վարչապետը:
