Լիբանանեան Ուժեր կուսակցութեան նախագահ Սամիր Ժաաժաա յայտարարեց, որ երկիրը այս վիճակին հասնելուն պատճառը նախագահին եւ իր դաշնակից ուժերուն վարած քաղաքականութիւնն է: Ան բոլորին կողմէ ընտրուած նախագահը եւ միասնականութեան կառավարութիւնները պատասխանատու նկատեց այն վիճակին, որու հասաւ երկիրը: Ան անընդունելի նկատեց որեւէ համաձայնութիւն հակառակ ուղղութեան հետ, որովհետեւ այդպիսի համաձայնութեան պարագային, երկիրը պիտի շարունակէ վարել նոյն քաղաքականութիւնը, որ մեզ պիտի պահէ նոյն վիճակին մէջ: Ան աւելցուց, որ իրենք կը յարգեն Ընկերվար յառաջդիմական կուսակցութեան նախագահին կարծիքը, սակայն չեն բաժներ զայն նախագահական ընտրութեան հարցին մէջ: Ժաաժաա կոչ ուղղեց ընդդիմադիր ուժերու համախմբումին`, ընտրելու համար երկիրը փրկող նախագահ մը:
