Ընկերվար յառաջդիմական կուսակցութեան նախագահ Ուալիտ Ժոմպլաթ յայտարարեց, որ իսլամական եւ արաբական մշակոյթը կը կազմեն խորքը տիւրզի համայնքին: Տիւրզի ղեկավարը յստակացուց, որ տիւրզիներ պայքարած են գրաւող ուժերու դէմ եւ միշտ եղած են իսլամ եւ արաբ ժողովուրդներու կողքին իրենց պայքարին մէջ: Թէեւ իրենք եղած են փոքրամասնութիւն, սակայն մեծ դեր խաղցած են շրջանի ժողովուրդներու պատմութեան մէջ: Անոնք միշտ եղած են երկխօսութեան կողքին: Ան հակաճառեց, թէ ֆրանսական եւ եբրայական այն վարկածները, թէ տիւրզիները խաչակիրներու ժառանգներ են կամ հրեայ աշքենազներ, սուտ է: Տիւրզիները արաբ ու իսլամ համայնք են` կառչած իրենց պատկանելիութեան:
