Հարաւային Ամերիկայի ֆութպոլի ակումբներու առաջնակարգ մրցաշարքի` Քոփա Լիպերթատորէսի քառորդ աւարտական հանգրուանի դարձի մրցումներուն արձանագրուած են հետեւեալ արդիւնքները.
– Ֆլամենկօ (Պր.) – Քորինթիանզ (Պր.) 1-0, երթ. 2-0
– Թայերէս Տէ Քորտոպա (Արժ.) – Վելէզ Սարսֆիլտ (Արժ.) 0-1, երթ. 2-3
– Փալմեյրաս (Պր.) – Աթլեթիքօ Միներօ (Պր.) 0-0 տուգ.6-5, երթ. 2-2
– Էսթիւտիանթէս (Արժ.) – Աթլեթիքօ Փարանենսէ (Պր.) 0-1, երթ. 0-0
Պրազիլի ՙՖլամենկօ՚ն, որ երթի մրցումին իր դաշտէն դուրս յաղթած էր համերկրացի ՙՔորինթիանզ՚ին, իր դաշտին վրայ ալ կրցաւ յաղթել ու երկու մրցումներու հաշիւով անցաւ կիսաւարտական հանգրուան: Մրցումին միակ կոլը նշանակեց յարձակող Փետրօն 52-րդ վայրկեանին, ուրուկուէյցի կիսապաշտպան Տէ Արրասքեթայի փոխանցումով: 68-րդ վայրկեանին ՙՔորինթիանզ՚ի ուրուկուէյցի պաշտպան Մենտէզ կարմիր քարտ ստացաւ:
Այս արդիւնքներուն հիման վրայ, Պրազիլի ՙՖլամենկօ՚ն, ՙՓալմեյրաս՚ը, ՙԱթլեթիքօ Փարանենսէ՚ն եւ Արժանթինի ՙՎելէզ Սարսֆիլտ՚ը հասան մրցաշարքի կիսաւարտական հանգրուան:
