ՀՀ պաշտպանութեան նախարար Սուրէն Պապիկեան այցելած է Պաշտպանութեան նախարարութեան Պաշտպանական ազգային հետազօտական համալսարան (ՊԱՀՀ), մասնակցած է ՙՊետական եւ ռազմական կառավարում՚ մագիստրոսական կրթական ծրագրի առաջին հոսքի աւարտական հանդիսաւոր արարողութեան:
Միջոցառման ներկայ եղած են ՊԱՀՀ-ի ղեկավար եւ փրոֆեսորադասախօսական կազմը, կրթական ծրագրերուի ուսումնառուները, բարձրաստիճան հիւրեր, հրաւիրեալ փորձագէտներ:
Սուրէն Պապիկեան շնորհաւորած է մագիստրոսական կրթական ծրագրի շրջանաւարտները, յանձնած է աւարտական վկայականները եւ համոզմունք յայտնած է, որ ստացած գիտելիքները պիտի կիրառուին ի նպաստ ՀՀ Զինուած ուժերու զարգացման:
Հանդիսաւոր արարողութեան յաջորդած է ՙԺամանակակից պատերազմներու բնոյթի ազդեցութիւնը ՀՀ Զինուած ուժերու բարեփոխումներու եւ զարգացման վրայ՚ գիտաժողովը: Պաշտպանութեան նախարարը կարեւորած է թեման եւ առաջարկած է, որ մասնագիտական նման քննարկումները պարբերական դառնան:
