ՀՀ հիւսիսարեւելեան սահմանները անառիկ պահող զօրամասերէն մէկուն մէջ տեղի ունեցած է երդման հանդիսաւոր արարողութիւն:
Այս մասին կը յայտնեն ՀՀ Պաշտպանութեան նախարարութենէն, նշելով, որ Զինուած ուժերու շարքերը համալրած նորակոչիկները երդուած են պատիւով ծառայել եւ անձնուիրաբար պաշտպանել պետական սահմանները: Խորհրդանշական օրը ելոյթներ ունեցած են բարձրաստիճան զինուորականներ, զինուորներու ծնողներ` մաղթելով նորակոչիկներուն անվտանգ եւ խաղաղ ծառայութիւն:
Պաշտպանութեան նախարարութեան տարածած լուսանկարներէն կ՛երեւի, որ հանդիսաւոր երդում տուած նորակոչիկներու շարքերուն է նաեւ նախորդ տարի Հայաստանի մէջ երկարաժամկէտ բնակութիւն հաստատելու որոշում կայացուցած հայ-նիկերական ընտանիքի առաջնեկը, որ հայկական բանակ զօրակոչուած է 15 Յուլիսին:
