Դրամատուներու միութիւնը գումարեց իր ժողովը եւ անոր աւարտին հրապարակեց պահանջագիր մը, որ կ’ընդգրկէ իր բոլոր կարծիքները դրամատնային հատուածը բարեկարգելու համար:
Միութիւնը տնտեսական տագնապի հիմնական պատասխանատու կը համարէ կառավարութիւնը եւ կոչ կ’ուղղէ երկրի տնտեսական վիճակը բարելաւելու, հետեւելով միջազգային դրամական կազմակերպութիւններու ցուցմունքներուն ու անգամ մը եւս վստահութիւնը վերականգնելու դրամատուներուն նկատմամբ:
Միութիւնը կ’առաջարկէ դրամագլուխի հոսքի օրէնքը վաւերացնել եւ դրամատուներու վերակազմակերպումը կատարել, հրապարակելով օրէնքներ: Միութիւնը նաեւ կը պահանջէ դրամատնային հարցեր քննող դատարան մը հիմնել իր մասնագիտացած օրէնքներով, որպէսզի դատարաններ, որոնք մասնագիտացած չեն չվարեն դատեր, նսեմացնելով դրամատնային համակարգին մակարդակը: Վերջապէս, սենտիքան կը պահանջէ իր Տնօրէն խորհուրդէն զիրենք տեղեակ պահել այս պահանջագիրին տրուած պատասխանէն:
