Ռուսիոյ Դաշնութեան Արտաքին գործերու նախարարութիւնը յայտարարեց, որ Միացեալ Նահանգները տեղեակ պահած է, թէ առժամաբար պիտի դադրեցնէ ռուսական հիւլէական կեդրոններու քննութիւնը ըստ ՙՍԹԱՐԹ՚ համաձայնագիրին: Ռուսիա պիտի մնայ համաձայնագիրը գործադրող կողմ:
Ըստ ՙՍԹԱՐԹ՚ համաձայնագիրին, երկու կողմերը պարտաւոր են թոյլ տալ քննիչներու մուտքը հիւլէական զէնքի մթերանոցները ու քննել անոնց պարունակութիւնը տարուան ընթացքին 18 անգամ: Նաեւ ըստ համաձայնագիրին, պէտք է տեղի ունենայ տեղեկութեան փոխանակում երկու կողմերուն միջեւ:
