ԱՄՆ-ի Արտաքին գործերու նախարարութիւնը յայտարարեց, որ Իրանի հիւլէական համաձայնագիրի վերականդանացման շուրջ ներկայացուած Եւրոպական միութեան առաջարկներու փաթեթը կը մնայ միակ գործադրելի տարբերակը: ԱՄՆ աւելցուց, որ պատրաստ է այս առաջարկի կէտերուն հիման վրայ հասնելու համաձայնութեան իրանեան կողմին հետ: Յայտարարութիւնը աւելցուց, որ Իրան միշտ կը յայտնէ, թէ ինք պատրաստ է վերակենդանացնելու համաձայնագիրը ու այս լաւ առիթ է այդ մէկը փաստելու համար:
Եւրոպական միութիւնը Իրանին ներկայացուցած էր հիւլէական համաձայնագիրը վերակենդանացնելու վերջնական առաջարկ մը:
Բանակցութիւնները Վիեննայի մէջ վերսկսան 4 Օգոստոսին եւ ցարդ տեղի ունեցան բանակցութիւններ իրանեան պատուիրակութեան ու Չինաստանի, Ռուսիոյ եւ Եւրոպական միութեան պատուիրակութիւններուն միջեւ:
