Իսրայէլի Սպայակոյտի պետ, զօրավար Ավիվ Քոխավի յայտարարեց, որ իսրայէլեան բանակը ունի նոր ծրագիրներ եւ նոր գործողութիւններ պիտի կատարէ Կազայի, հիւսիսի կամ այլ շրջաններու մէջ: Կազայի մէջ սկսած առճակատումը դադրեցաւ Կիրակի երեկոյեան ժամը 11:30-ին: Ան տեւեց երկու օր ու պատճառեց 45 զոհ պաղեստինեան կողմէն, որոնց մէջ երեխաներ եւ տարեց մարդիկ: Իսրայէլի բնակավայրերը դարձան թիրախ հարիւրաւոր հրթիռներու, որոնք արձակուեցան Կազայէն, որպէս հակադարձութիւն ՙԺիհատ Իսլամի՚ կազմակերպութեան երկու զինուորական ղեկավարներու սպանութեան:
