Հայաստանի ֆութպոլի ախոյեանութեան երկրորդ հանգրուանի ամենահետաքրքրական մրցումին, առաջատար ՙԱլաշկերտ՚ը իր դաշտին վրայ մրցեցաւ 2-րդ դիրքը գրաւող ՙԱրարատ՚ի դէմ եւ յաղթանակ տարաւ: Գոլոմպիացի յարձակող Տիազ` 57-րդ եւ երիտասարդ յարձակող Սարգիս Մեթոյեան` 89-րդ վայրկեաններուն նշանակեցին կոլերը: Իսկ 9-րդ դիրքը գրաւող Գորիսի ՙԼեռնային Արցախ՚ը իր դաշտէն դուրս յաղթեց 6-րդ դիրքը գրաւող ՙՆոա՚ին: Մրցումին միակ կոլը նշանակեց սպանացի երիտասարդ յարձակող Մարվին Անկուլօ 89-րդ վայրկեանին: Ստորեւ տեսնել արձանագրուած արդիւնքները.
– Նոա – Լեռնային Արցախ Գորիս 0-1
– Ալաշկերտ – Արարատ 2-0