ՙՔրիսթըլ Փալաս՚ – ՙԱրսենալ՚ մրցումով սկսան 2022-2023 տարեշրջանի Անգլիոյ ֆութպոլի ախոյեանութեան մրցումները: Լոնտոն քաղաքի տերպիին, ՙԱրսենալ՚ յաղթանակ տարաւ պրազիլցի յարձակող Կապրիէլ Մարթինելլի` 20-րդ եւ ՙՓալաս՚ի պաշտպան Կեհիի սխալմամբ` 85-րդ վայրկեաններուն նշանակած կոլերով, Զինչենքոյի փոխանցումով: ՙԼիվըրփուլ՚ իր առաջին մրցումը կատարեց իր դաշտէն դուրս նորեկ Լոնտոնի ՙՖուլհէմ՚ին դէմ եւ հաւասարեցաւ: Սերպ յարձակող Միթրովիչ 32-րդ վայրկեանին նշանակեց ՙՖուլհէմ՚ի կոլը, Թեթէի փոխանցումով: Փոխարինող ուրուկուէյցի յարձակող Նունիէզ 51-րդ վայրկեանին հաւասարեցուց հաշիւը, 72-րդ վայրկեանին Միթրովիչ տուգանային հարուածով հաշիւը դարձուց 2-1: Սակայն յարձակող Մոհամմատ Սալահ 80-րդ վայրկեանին հաւասարեցուց հաշիւը, Նունիէզի փոխանցումով: Լոնտոնի ՙՉելսի՚ն իր դաշտէն դուրս միակ կոլով յաղթեց ՙԷվըրթըն՚ին: 45+9-րդ վայրկեանին պրազիլցի կիսապաշտպան Ժորժինիօ տուգանային հարուածով նշանակեց խումբին կոլը: Առաջին դասակարգի նորեկներն են` ՙՆոթինկհէմ Ֆորեսթ՚ը, ՙՖուլհէմ՚ը եւ ՙԱՖՍ Պորնմըթ՚ը:Ստորեւ տեսնել արձանագրուած արդիւնքները.
– Քրիսթըլ Փալաս – Արսենալ 0-2
– Ֆուլհէմ – Լիվըրփուլ 2-2
– Նիւքեսըլ Եուն. – Նոթինկհէմ Ֆորեսթ 2-0
– Էվըրթըն – Չելսի 0-1
– Թոթընհէմ Հոցփըր – Սաութհեմփթըն 4-1
