Ամերիկայի Միացեալ Նահանգներու Սպիտակ տան դիմաց ուժեղ կայծակի հարուածի հետեւանքով զոհերուն թիւը հասած է երեքի: Այս մասին յայտնած է ՙNBC4՚-ը` նշելով, որ եւս մէկը կը շարունակէ մնալ հիւանդանոցին մէջ:
Կայծակը հարուածած է Լաֆայեթ այգի, որ Սպիտակ տան դիմացի փողոցին մէջ է:
Կայծակի հետեւանքով զոհուած են 29-ամեայ տղամարդ մը, ինչպէս նաեւ 76-ամեայ Ճէյմզ Միւլլըր ու 75-ամեայ Տոնա Միւլլըրը, որոնք Ուաշինկթըն եկած էին` տօնելու ամուսնութեան տարեդարձը:
