Քեսրուանի երեսփոխան Նաամաթ Աֆրամ յայտարարեց, որ եթէ երեսփոխանական խմբաւորումներ իր թեկնածութիւնը առաջարկեն նախագահութեան համար, ինք պատրաստ է ստանձնելու այդ պարտականութիւնը: Ան կոչ ուղղեց յարգելու դատական իշխանութեան անկախութիւնը, նաեւ յարգելու երկրին գերիշխանութիւնը եւ սահմանադրութիւնը:
Ան որպէս հատուցում դրամատուներու մէջ դրամ ունեցողներուն, առաջարկեց բաժնետոմսեր պետական հատուածներուն մէջ: Ան դէմ արտայայտուեցաւ պետական հատուածի կարգ մը ծառայութիւններ վաճառելու գաղափարին: Ֆրամ հաստատեց, որ ունի բարեկարգումի ծրագիր եւ կը համագործակցի բոլոր բարեկարգող երեսփոխաններուն հետ:
