Եւրոպայի ֆութպոլի ակումբներու առաջնակարգ մրցաշարքի՝ Չեմփիընզ Լիկի զտումի 3-րդ հանգրուանի երթի մրցումներուն արձանագրուած են հետեւեալ արդիւնքները.
– Շերիֆ Թիրասփոլ (Մլտ.) – Վիքթորիա Փլզըն (Չեխ.) 1-2
– Լուտոկորէց (Պլկ.) – Տինամօ Զակրէպ (Խր.) 1-2
– Մոնաքօ (Ֆր.) – ՓՍՎ Այնտհովըն (Հոլ.) 1-1
– Իւնիոն Սէն Կիլուազ (Պլճ.) – Ռէյնճըրզ (Սկ.) 2-0
– Պենֆիքա (Փոր.) – Միտթյիլանտ (Դան.) 4-1
Այս հանգրուանի ամենահետաքրքրական մրցումին, Ֆրանսայի երկրորդ դիրքը գրաւած ՙՄոնաքօ՚՚ն իր դաշտին վրայ մրցեցաւ Հոլանտայի Այնտհովընի ՙՓՍՎ՚ին դէմ եւ մրցումը աւարտեցաւ հաւասարութեամբ: Մրցումի 39-րդ վայրկեանին կիսապաշտպան Վերմէն նշանակեց ՙՓՍՎ՚ի կոլը, Լիւք Տէ Եոնկի փոխանցումով: Սակայն ՙՄոնաքօ՚ հաւասարեցուց հաշիւը 80-րդ վայրկեանին, պաշտպան Տիզազիի միջոցով, Մարիփանի փոխանցումով:
