Հարաւային Ամերիկայի ֆութպոլի ակումբներու առաջնակարգ մրցաշարքի՝ Քոփա Լիպերթատորէսի քառորդ աւարտական հանգրուանի երթի մրցումներուն արձանագրուած է հետեւեալ արդիւնքը.
– Քորինթիանզ (Պր.) – Ֆլամենկօ (Պր.) 0-2
Առաջին մրցումին, Պրազիլի ՙՖլամենկօ՚ն մրցեցաւ իր դաշտէն դուրս համերկրացի ՙՔորինթիանզ՚ի դէմ եւ յաղթանակ տարաւ: ՙՖլամենկօ՚ գործեց արդիւնաւէտ ձեւով եւ իր 58 առ հարիւրի հասնող տիրապետութիւնը օգտագործեց կատարելու համար 5 դիպուկ ու 3 անկիւնային հարուած, որոնցմէ նշանակեց երկու կոլ: Ուրուկուէյցի կիսապաշտպան Տէ Արրասքեթա՝ 37-րդ եւ յարձակող Կապրիէլ Պարպոզա՝ 51-րդ վայրկեաններուն նշանակեցին խումբին կոլերը, Ժոաօ Կոմէշի եւ Ռոտինէյի փոխանցումներով: ՙՔորինթիանզ՚ն ալ կատարեց 5 դիպուկ ու 3 անկիւնային հարուած:
