Ֆրանիայի արդէն բոլոր 96 բաժիններուն մէջ ՙսթափութեան կարգ՚` նախազգուշական յատուկ միջոցառումներ սահմանած են երաշտի առնչութեամբ: 29 Յուլիսէն այդ կարգէն զերծ մնացած են Փարիզը եւ Օ տէ Սենի ու Սեն Սեն Տենի բաժանմունքները:
Կարգը չի նախատեսեր ջուրի մատակարարման սահմանափակումներ, բայց կը յանձնարարէ կրճատել ջուրի օգտագործումը ճանապարհները, մայթերը եւ կազոնները ջրելու, ինչպէս նաեւ ինքնաշարժները լուալու համար: Տնային տնտեսութիւններուն յանձնարարուած է կրճատել ջուրի օգտագործումը տնային կարիքներու համար: Ջուրի առաջնահերթ սպառողներ կը համարուին հրշէջ ծառայութիւններն ու հիւանդանոցները:
Ֆրանսայի մէջ տապի երրորդ ալիքն է չորային Յուլիսէն յետոյ: Յառաջիկայ տասը օրերուն երկրին մէջ զգալի տեղումներ չեն սպասուիր, բացի 4 եւ 5 Օգոստոսի տեղատարափներէն երկրին արեւելքը:
Ֆրանսիայի հարաւի Արտեշ, Տրոմ, Կար, Վոքլիւզ եւ Արեւելեան Փիրենեյներ բաժիններուն մէջ տապի պատճառով յայտարարուած է տագնապի ամենաբարձր` ՙնարնջագոյն մակարդակ՚: Բաժիններու կէսէն աւելիին մէջ կը պահպանուի տագնապի ՙդեղին մակարդակ՚:
