Այս օրերուն ՀՀ ամենահեռաւոր մարզերուն մէջ բնակող հարիւրաւոր աշակերտներ կը մասնակցին ՙԴասաւանդի՛ր, Հայաստան՚-ի Աշակերտներու առաջնորդութեան առցանց ճամբարին` օգտագործելով ՙԵուքոմ՚ ընկերութեան կողմէ տրամադրուած շարժական համացանցի հասանելիութեամբ քարտերը:
Արդէն երրորդ տարին անընդմէջ ՙԵուքոմ՚-ի աջակցութեամբ ՙԴասաւանդի՛ր, Հայաստան՚-ը կ՛իրականացնէ Աշակերտներու առաջնորդութեան ամառային ճամբարը` ամէն տարի ներգրաւելով դպրոցահասակ երիտաասարդներ:
ՙՄեր հաւատարիմ գործընկերոջ` ՙԵուքոմ՚-ի ջանքերով Հայաստանի ամենահեռաւոր համայնքներուն մէջ բնակող աշակերտները այսօր հնարաւորութիւն ունին առցանց միանալու ՙԴասաւանդի՛ր, Հայաստան՚-ի Աշակերտական ամառային ճամբարին: Գալիք օրերուին մեր աշակերտները հնարաւորութիւն պիտի ունենան այլ աչքերով նայելու իրենց համայնքներուն, բացայայտելու այնպիսի խնդիրներ եւ գտնելու այնպիսի լուծումներ, որոնք մեծապէս պիտի նպաստեն ինչպէս աշակերտի նախաձեռնողականութեան զարգացման, այնպէս ալ` սեփական ուժերու նկատմամբ հաւատքի ամրապնդման: Ամբողջ գործընթացը պիտի համակարգեն մեր նոր` Ուսուցիչ-առաջնորդներու ութերորդ սերունդի ներկայացուցիչները՚, նշած է ՙԴասաւանդի՛ր, Հայաստան՚-ի հիմնադիր եւ գործադիր տնօրէն Լարիսա Յովաննիսեանը:
ՙՀայաստանի կրթական համակարգը բազմաթիւ փորձութիւններէ եւ փոփոխութիւններէ կ՛անցնի յատկապէս այն ժամանակահատուածէն, երբ կրթութիւն ստանալու միակ տարբերակը տունէն դասընթացքին միանալն էր: ՙԵուքոմ՚ը մեծապէս նպաստած է, որ ուսուցիչ-աշակերտ կապը երբեւէ չընդհատուի, իսկ գիտելիքի հոսքը ըլլայ շարունակական: Իրապէս ուրախ ենք տեսնելու, թէ որքան յաջողած ու կարեւոր նախագիծեր կեանքի կը կոչուին ՙԴասաւանդի՛ր, Հայաստան՚-ի ջանքերով եւ մեծագոյն պատրաստակամութեամբ կ՛աջակցինք ամառնային ճամբարին՚, ըսած է ՙԵուքոմ՚ ընկերութեան գլխաւոր տնօրէն Արա Խաչատրեանը:
Յաւելենք, որ առցանց ճամբարի ընթացքին աշակերտները ՙԴասաւանդի՛ր, Հայաստան՚-ի նոր սերունդի ուսուցիչ-առաջնորդներուն հետ կը փորձարկեն հիմնադրամի նախագծահէն կրթութեան ձեւաչափը` ուսումնասիրելով իրենց համայնքը, ինչպէս նաեւ վերհանելով այն փոփոխութիւնները, որոնք կը փափաքին տեսնել: Վերջնանպատակն է մշակել ծրագիր, որ պիտի նպաստէ իրենց համայնքի զարգացման:
