ԱՄՆ-ի Ներկայացուցիչներու պալատի նախագահ Նենսի Փելոսի, հասնելէ ետք Թայուան, յայտարարեց որ իր այցելութիւնը չի նշանակեր փոփոխութիւն Միացեալ Նահանգներու քաղաքականութեան` կղզիի կարգավիճակին հանդէպ: Ան աւելցուց, որ իր բանակցութիւնները պիտի կեդրոնանան երկու կողմերու շահերու պաշտպանութեան ռազմավարական կարեւորութեան վրայ: Ան աւելցուց, որ ամէն ժամանակէ աւելի Թայուանի ժողովուրդը պէտք ունի ԱՄՆ-ի նեցուկին: Փելոսի յայտարարեց, որ իր այցելութիւնը կը շեշտէ Թայուանի դեմոկրատական արժէքներու պաշտպանութիւնը: Ըստ Փելոսիի, ԱՄՆ պէտք է զօրակցի կղզիին եւ թոյլ չտայ որեւէ փոփոխութիւն անոր կարգավիճակին մէջ:
