Պաղեստինեան իշխանութեան Արտաքին գործերու նախարարութիւնը դատապարտեց իսրայէլեան իշխանութիւններու կատարած յարձակումը գրաւեալ Արեւմտեան Ափի Ժընին քաղաքին վրայ եւ 17 տարեկան երիտասարդի մը սպանութիւնը ու տասնեակ մը երիտասարդներու վիրաւորումը, ինչպէս նաեւ ձերբակալութիւն կատարելը երիտասարդներու շարքէն: Իշխանութիւնը յայտարարեց, թէ այն ձեւը որ որդեգրեցին զինուորական իշխանութիւնները, ցոյց կու տայ այդ զինուորներու կրթութեան ձեւը եւ անոնց ծայրայեղութեան վրայ հիմնուած դաստիարակութեան արդիւնքն է այս:
Ան կոչ ըրաւ միջազգային կազմակերպութիւններու միջամտութեան, դադրեցնելու համար այս գործողութիւնը:
Իսրայէլեան բանակը ահազանգային վիճակ յայտարարեց երկրի հարաւային մասին մէջ, նկատի առնելով պաղեստինեան զինեալ ուժերու սպառնալիքը` հակադարձելու իսրայէլեան գործողութեան:
