Լիբանանի գաղթականներու հարցի պաշտօնակատար Իսամ Շարաֆըտտին յայտարարեց« որ սուրիական իշխանութիւններէն կը պահանջէ իրեն ժողովի օր մը ճշդել« Սուրիա այցելելու եւ այդ երկրի ղեկավարութեան հետ քննարկելու համար գաղթականներու վերադարձի կարելիութիւնը: Ըստ Շարաֆըտտինի« ՄԱԿ-ի գաղթականներու հարցի գրասենեակին յայտարարութիւններն են որ կ’ուշացնեն այդ ժողովը:
Ըստ պաշտօնակատարին« Լիբանան պիտի գործադրէ գաղթականները իրենց երկիրը վերադարձնելու որոշումը« անկախ միջազգային մարմիններու միջամտութենէն: Ան աւելցուց« որ իրենք նամակով պահանջած էին միջազգային մարմիններէն իրենց կարծիքը յայտնել գաղթականներու վերադարձին շուրջ ու այս վերջինները յայտարարած էին« թէ չեն վստահիր սուրիական իշխանութիւններու յայտարարութեան« վերադարձողներու ֆիզիքական ապահովութեան շուրջ:
Շարաֆըտտին աւելցուց« որ կարգ մը կողմերու վերապահութիւնը պիտի փոխուի ամիս մը ետք« երբ անոնք նկատեն այս քայլին գործադրելիութիւնը: Պաշտօնակատարը աւելցուց« որ միազգային մարմիններ քաղաքական պատճառներէ մեկնելով կը մերժեն Սուրիա վերադարձող գաղթականներուն դրամական օժանդակութիւն տալ« մինչ այդ մէկը կը կատարեն Լիբանանի մէջ: Պաշտօնակատարը յայտարարեց« որ սուրիական կողմէն դրական պատաասխան ստացած է իր առաջարկներուն ու կը սպասէ իր այցելութեան այդ առաջարկները պաշտօնապէս տեղեկացնելու համար պատկան մարմիններուն:
