Լիբանանի եւ Իսրայէլի ծովային սահմանագծումի հարցով ԱՄՆ-ի յատուկ պատուիրակ Ամոս Հոքշթայն սկսաւ իր բանակցութիւնները լիբանանցի պետական պատասխանատուներուն հետ« լուծում գտնելու համար հարաւային ծովային սահմանի թնճուկին« որուն լուծումը կը ձգձգուի տարիներէ ի վեր« եւ որ ներկայիս մտած է արագացումի փուլ« նկատի առնելով Եւրոպայի պէտքը Միջերկրական ծովու աւազանի բնական կազին« փոխարինելու համար ռուսականը« որ սկսած է օգտագործուիլ որպէս ճնշումի միջոց Եւրոպայի վրայ« Ուքրանիոյ պատերազմին մէջ անոնց վարած հակառուս քաղաքականութեան համար:
Ըստ վերջին բանակցութեան տուեալներուն« Իսրայէլ առաջարկած է յանձնել Կանայի բնական կազի ամբողջ դաշտը եւ անոր փոխարէն ստանալ որոշ տարածք թիւ 23 հորիզոնականէն վեր: Լիբանան ԱՄՆ-ի պատուիրակին յայտնեց« որ իրենք կ’ուզեն թիւ 23 հորիզոնականէն վեր ամբողջ տարածքը եւ Կանայի դաշտը: Ժողով գումարելէ ետք երկրի հանրապետութեան նախագահին« խորհրդարանի նախագահին եւ նշանակեալ վարչապետին հետ« Հոքշթայն յայտարարեց իր լաւատեսութիւնը մօտ օրէն հասնելու համաձայնութեան:
Ըստ լաւատեղեակ աղբիւրներու« լիբանանեան կողմը պահանջած է բանակցութեան զուգահեռ թոյլ տալ ֆրանսական ՙԹոթալ՚ ընկերութեան սկսիլ պեղումները« ինչպէս որ թոյլ տրուեցաւ Իսրայէլին պեղում կատարել ոչ-վիճայայոյց դաշտերուն մէջ: Բանակցութեան ընթացքին Հոքշթայնի այն հարցումին« թէ համաձայնութեան չհասնելու պարագային Լիբանան պատրա՞ստ է ապահովելու իսրայէլեան աշխատանքը կազի դաշտերուն մէջ« Լիբանանի ղեկավարները ժխտական պատասխան տուած են:
