Տնտեսագիտութեան մէջ, երբ տնտեսութեան մէջ աճ չկայ, անգործութեան տոկոսը բարձր է եւ գիներու սղաճ կայ, այդ պարագային այդ վիճակը կը կոչուի Stagflation: Այս վիճակը ընդհանրապէս հետեւանք է տնտեսութեան մէջ զօրաւոր ցնցումի մը կամ տնտեսական անկայուն վիճակի մը: Ներկայիս վախ կայ, որ աշխարհի շատ մը տնտեսութիւններ մտնեն այս վիճակին մէջ, որովհետեւ արդէն շատ մը երկիրներ տակաւին չէին կրցած ելլել 2008-ի տնտեսական տագնապէն եւ պարտքի մեծ չափ ունէին: Վրայ հասաւ Ուքրանիոյ պատերազմը եւ անկայուն աճին աւելցաւ սղաճը, քարիւղի եւ ուտելիքի գինի յաւելումին պատճառով: Այս վիճակը կրնայ տեւել բաւական երկար ժամանակ, իր ժխտական բոլոր հետեւանքներով: Անշուշտ պետութիւններ պիտի փորձեն քայլեր առնել սղաճը սանձելու եւ տնտեսութիւնը դէպի աճ վերադարձնելու համար, սակայն պարտքի չափը պիտի դառնայ ամենամեծ արգելքը: Չատ մը երկիրներու պարագային, ինչպէս հարաւային Եւրոպայի եւ ԱՄՆ-ի մէջ, պարտքի չափը մօտեցած է անկառավարելիի սահմանին, երբ պետութիւնը պարտքին տոկոսը պիտի չկարենայ վճարել:
Վ. ԹՈՍՈՒՆԵԱՆ
