ՀՀ Բարձր արհեստագիտութեան արդիւնաբերութեան նախարարութիւնը ՙԻմ քայլը՚ հիմնադրամին հետ միասին կը յայտարարէ ՙՆերուժ 3.0՚ սփիւռքահայ արհեստագիտական սթարթափերի ծրագրի յայտերու ընդունման մեկնարկը:
ՙՆերուժի՚ տեսլականը
Ներուժը պետական ծրագիր է, որուն նպատակն է աջակցիլ Հայաստանի տնտեսական յառաջընթացին եւ սթարթափ էքոհամակարգի զարգացման` Սփիւռքի մասնագէտներու հայրենադարձութիւնը խթանելու միջոցով:
Ծրագիրը նպատակաուղղուած է Հայաստանի սթարթափ էքոհամակարգի հարստացման ու զանազանեցման` հայկական սփիւռքէն ընդունակ եւ մասշտաբային արհեստագիտական սթարթափներու ներհոսքին օժանդակման, հայկական սթարթափ էքոհամակարգի շրջանակներուն մէջ անոնց յառաջմղման եւ աճի մէջ ներդրումներ կատարելու, եւ, վերջապէս, ամբողջ աշխարհի մէջ հայկական առաջատար արհեստագիտութիւններու եւ առեւտրային ձեւերու ներդրման եւ ընդլայնման համար դարպաս ծառայելու միջոցով:
Ի՞նչ կ՛առաջարկէ ՙՆերուժ՚ը
Աշխարհի տարբեր ծայրերէ շուրջ 30 սլարլափ կը հրաւիրուի Հայաստան մասնակցելու 5-օրեայ միջոցառմաը, ծանօթանալու Հայաստանի մէջ առեւտուր վարելու առաւելութիւններուն, ստանալու համագործակցութիւններու եւ բացառիկ անհատական մենթորութեան, ինչպէս նաեւ մինչեւ 30.000 տոլարին համարժէք դրամաշնորհ ստանալու հնարաւորութիւն` առեւտրային նախաձեռնութիւններու իրագործման նպատակով:
Ինչո՞ւ միանալ ծրագրին
– ՙՆերուժ պութքամփ՚
ՙNerUzh bootcamp՚-ը սթարթափ-ուղղուածութեամբ 5-օրեայ յագեցած օրակարգով միջոցառումներու շարք է, որ կը ներառէ փոխգործուն եւ անհատական դասընթացքներ:
– Վարպետութեան դասեր
5-օրեայ միջոցառման ընթացքին արհեստագիտական ոլորտի առաջատար փորձագէտները կը ներկայացնեն համաշխարհային շուկաներու վերջին միտումները:
– Ֆինանսաւորում
Յաղթող խումբերուն պիտի առաջարկուի հայրենադարձուիլ եւ ստանալ մինչեւ 30.000 տոլարին համարժէք դրամաշնորհ:
Միջոցառումէն յետոյ յաղթող խումբերը հնարաւորութիւն պիտի ունենան ընտրելու գործընկերներու կողմէ առաջարկուող արագացման ծրագրերը, որոնք կը համապատասխանեն իրենց սթարթափի պահանջներուն:
Հնարաւորութիւն կը տրուի ընդլայնելու ձեր համագործակցային ցանցը, շփուելու անհրաժեշտ գիտելիքներ, փորձ եւ կապեր ունեցող ազդեցիկ մարդոց հետ, ինչպէս նաեւ ստանալու աւելի քան 40 երկիրներու առաջատար սթարթափերէ կազմուած ցանցին մէջ ներգրաւուելու հնարաւորութիւն£
Մասնակցութեան պայմաններ
Ծրագրին մասնակցելու համար Ձեր սթարթափը պէտք է.
– Ունենայ նախապէս ձեւաւորուած խմբակ,
– Ունենայ հիմնադիր (կամ առնուազն համահիմնադիրներու 50%), որը
*ունի (ունին) հայկական ծագում,
*Հայաստանի քաղաքացի չէ (չեն),
*վերջին 12 ամիսներու ընթացքին չէ բնակած Հայաստանի մէջ կամ հայրենադարձուած է վերջին 6 ամիսներու ընթացքին,
*գտնուի գաղափարի կամ աճի մակարդակին,
*գործի կայքին մէջ թուարկուած առանցքային ճիւղերէն մէկուն մէջ,
*չհանդիսանայ ՙՆերուժ՚ ծրագրի նախկին դրամաշնորհառու,
*ունենայ հիմնադիր (համահիմնադիրներ), ով (ովքեր) կը փափաքի(ն) Հայաստանի մէջ հիմնել եւ արձանագրել սթարթափ եւ բնակիել այստեղ առնուազն 1 տարի:
Նշենք, որ սահմանափակումներէ ելլելով Դիլիջանի մէջ կայանալիք միջոցառմա իւրաքանչիւր սլարլափէ կը հրաւիրուին միայն 2 մասնակից:
