Շաբթուան ընթացքին սկսան Լիբանանի ֆութպոլի մրցումները Գերբաժակի մրցումներով: Այս մրցաշարքին կը մասնակցին անցեալ տարուան ախոյեանութեան առաջին վեց դիրքերը գրաւած խումբերը: Առաջին խմբակին մէջ« ախոյեան ՙԱհըտ՚ մրցեցաւ 4-րդ դիրքը գրաւած ՙՊըրժ՚ի դէմ եւ յաղթանակ տարաւ: Ահմատ Զրէյք՝ 11-րդ եւ Էմմանուէլ Օյըր՝ 90+3-րդ վայրկեաններուն նշանակեցին խումբին կոլերը: Երկրորդ խմբակի առաջին մրցումի անակնկալն էր 2-րդ դասուած ՙՆըժմէ՚ի պարտութիւնը ՙԹատամոն Սուր՚ի դիմաց: 54-րդ վայրկեանին Հասան Շըհիթօ Մոնի նշանակեց ՙԱլ Նըժմէ՚ի կոլը տուգանային հարուածով: Սակայն Ատնան Սալլում՝ 78-րդ եւ Ղասսան Սարիյէ՝ 90+4-րդ վայրկեաններուն հաշիւը դարձուցին 1-2: Ստորեւ տեսնել արձանագրուած արդիւնքները.
Ա. խմբակ. – Ահըտ – Պըրժ 2-0
Բ. խմբակ. – Նըժմէ – Թատամոն Սուր 1-2
