Ռուսիոյ ֆութպոլի ախոյեանութեան 2-րդ հանգրուանի մրցումներուն արձանագրուած են հետեւեալ արդիւնքները.
– ԲԿՄԱ Մոսկուա – Սոչի 3-0
– Քրասնատար – Սպարտակ Մոսկուա 1-4
– Զենիթ Ս. Փեթեր. – Կրիլիա Սովետով Սամարա 3-0
– Խիմքի Մոսկուա – Նիժնի Նովկորոտ 3-0
– Լոքոմոթիւ Մոսկուա – Ռոսթով 2-2
– Տինամօ Մոսկուա – Թորփետօ Մոսկուա 4-0
Մոսկուայի ՙԲԿՄԱ՚ն շարունակեց յաղթել: Իր կատարած երկրորդ մրցումին« ան իր դաշտին վրայ մրցեցաւ ՙՍոչի՚ի զօրաւոր կազմին դէմ եւ յաղթանակ տարաւ: Փարակուէյցի կիսապաշտպան Մետինա՝ 36-րդ« 90+2-րդ եւ գոլոմպիացի կիսապաշտպան Քարրասքալ՝ 56-րդ վայրկեաններուն նշանակեցին խումբին կոլերը« Քարրասքալի« Աքինֆէեւի եւ Եաքովլեւի փոխանցումներով: Հայաստանի հաւաքականի յարձակող Էտուարտ Սփերցեանի մաս կազմած ՙՔրասնատար՚ը իր դաշտին վրայ մրցեցաւ Մոսկուայի ՙՍպարտակ՚ին դէմ եւ կրեց իր առաջին պարտութիւնը: Սփերցեան մասնակցեցաւ ամբողջ մրցումին եւ 60-րդ վայրկեանին տուգանային հարուածով նշանակեց իր խումբին միակ կոլը: Մրցումի 37-րդ վայրկեանին ՙՔրասնատար՚ի կիսապաշտպան Չեռնիկով կարմիր քարտ ստացաւ: ՙՍպարտակ՚ օգտուեցաւ առիթէն եւ կիսպաշտպան Զոպնին՝ 35-րդ« հոլանտացի Փրոմէս՝ 46-րդ« պաշտպան Պորոտին սխալմամբ՝ 53-րդ եւ նիկերիացի Մոզըս՝ 83-րդ վայրկեաններուն նշանակեցին խումբին կոլերը: Խորէն Պայրամեանի մաս կազմած ՙՌոսթով՚ը իր դաշտէն դուրս հաւասարեցաւ ՙԼոքոմոթիւ Մոսկուա՚ին հետ: Պայրամեան դաշտ մտաւ 46-րդ վայրկեանին:
Դասաւորում. 1) ԲԿՄԱ 6 կէտ 5-0« 2) Սպարտակ 4 կէտ 5-2« 3) Զենիթ 4 կէտ 4-1« 4) Խիմքի 4 կէտ 4-1« 10) Ռոսթով 2 կէտ 3-3« 13) Քրասնատար 1 կէտ 3-6
