Ռուսիոյ մէջ ՀՀ դեսպանատան շքադահլիճին մէջ կայացած է Տմիթրի Խմելիովի անձնական հաւաքածուէն Խորհրդային նաւատորմի առասպելական ծովակալ, Խորհրդային միութեան հերոս Իւան Իսակովի (Յովհաննէս Տէր Իսահակեան) անձնական իրերու` ՀՀ Պաշտպանութեան նախարարութեան ՙՄայր Հայաստան՚ թանգարանին փոխանցման հանդիսաւոր արարողութիւնը:
Միջոցառման ներկայ եղած են ՀՀ Պաշտպանութեան նախարարութեան, Ռուսիոյ Դաշնութեան Արտաքին գործերու նախարարութեան, Մոսկուայի Յաղթանակի եւ Ռուսիոյ Զինուած ուժերու Կեդոնական թանգարաններու, Սամարայի կայազօրի Կ.Է. Վորոշիլովի անուան Սպայի տան ներկայացուցիչներ, դիւանագէտներ, դեսպանատան աշխատակիցներ:
Ողջոյնի խօսքով Ռուսիիյ մէջ ՀՀ արտակարգ եւ լիազօր դեսպան Վաղարշակ Յարութիւնեան երախտագիտութիւն յայտնած է Տմիթրի Խմելիովին` շեշտելով Հայաստանի ու Ռուսիոյ ժողովուրդներու ականաւոր դէմքերու եւ հերոսներու յիշատակի պահպանութեան կարեւորութիւնը: Դիւանագիտական ներկայացուցչութեան ղեկավարը անդրադարձած է ծովակալ Իսակովի` ինչպէս Հայրենական մեծ պատերազմի տարիներու, այնպէս ալ յետպատերազմեան շրջանի գործունէութեան:
Միջոցառմանը ելոյթ ունեցած են նաեւ ՀՀ դեսպանատան ռազմական կցորդ, զօրավար Արմէն Լալայեանը, Տմիթրի Խմելիովը, խորհրդային եւ ռուս ռազմական գործիչ, Ռուսիոյ գիտութիւններու ակադեմիայի ակադեմիկոս, փոխծովակալ Աշոտ Սարգիսովը եւ Ռուսյիո Պաշտպանութեան նախարարութեան ներկայացուցիչ, առաջին կարգի քափիթան Վալերի Լափինը:
Փոխանցուած իրերու շարքին են լուսանկարներ, Խորհրդային միութեան եռակի հերոս Սեմիոն Պուտեոննիի, Խորհրդային միութեան կրկնակի հերոս Յովհաննէս Բաղրամեանի եւ ուրիշներու շնորհաւորական հեռագրերը: Վերջին շրջանին այդ իրերը կը պահուէին Սամարայի կայազօրի թանգարանին մէջ:
