ՀՀ Կրթութեան, գիտութեան, մշակոյթի եւ մարմնակրթութեան նախարարութեան Պատմութեան եւ մշակոյթի յուշարձաններու պահպանութեան վարչութեան աշխատակիցները հերթական աշխատանքային այցը կատարած են Լոռիի մարզի շարք մը յուշարձաններ` ծանօթանալու Հաղպատ վանական համալիրի խնդիրներուն, ինչպէս նաեւ 2022 թուականի պետական պիւտճէով նախատեսուած յուշարձաններու վերականգնման աշխատանքներուն ընթացքը վերահսկելու եւ յառաջացած խնդիրները ուսումնասիրելու նպատակով:
Լոռիի մարզի Հաղպատ վանական համալիրը տեղակայուած է Հաղպատ գիւղի հարաւարեւելեան բարձրադիր մասին մէջ: Սանահինի վանքային համալիրին հետ միասին այն արձանագրուած է ԵՈՒՆԵՍՔՕ-ի համաշխարհային ժառանգութեան յուշարձաններու ցանկին մէջ: Աշխատանքային խումբը ծանօթացած է է 10-13-րդ դարերու Հաղպատ վանական համալիրի առկայ խնդիրներուն:
Մասնաւորապէս` հրատապ լուծում կը պահանջէ համալիրի արեւմտեան պարսպապատի աշտարակներու վերականգումը, որոնցմէ հիւսիսայինը կը գտնուի արկածավտանգ վիճակի մէջ, առկայ են 5-8 սմ ճաքեր ամբողջ բարձրութեամբ, ինչ որ հետեւանք է վերջերս տեղի ունեցած երկրաշարժի: Քննարկման հետեւանքով որոշուած է միջոցներու ձեռնարկել վերականգնման աշխատանքներու իրականացման համար (Հաղպատ վանական համալիրի պարսպապատի աշտարակի ամրակայման եւ մասնակի վերականգնման աշխատանքներու նախագիծ):
Ալաւերտի համայնքի Սանահին վանական համալիրի Սուրբ Ամենափրկիչ եկեղեցւոյ մէջ աշխատանքային խումբը ծանօթացած է վերականգնման աշխատանքներու ընթացքին եւ քննարկած է արեւմտեան խաչթեւի ծածկասալերու հեռացման հետեւանքով ի յայտ եկած խնդիրները, մասնաւորապէս` ծառարմատներու ազդեցութեամբ պայմանաւորուած հարթ երեսապատի խոշորածաւալ քարերու շարուածքէն դուրս մղման դէպքերը, ինչ որ կը պահանջէ յաւելեալ լուծումներ:
2022 թուականին կ՛ընթանան նաեւ ՀՀ Լոռիի մարզի Լոռի բերդ ամրոցի պարիսպի հիւսիսարեւելեան հատուածի ամրակայման եւ մասնակի վերականգնման աշխատանքները: Աշխատանքային խումբը ծանօթացած է այս տարի պատուիրուած պարսպապատի եւ աշտարակներու վերականգնման աշխատանքներու ընթացքին, քննարկած է քաղաքատեղիի բաղնիքներու պեղման շնորհիւ բացուած բացառիկ hիփոքաուսթ համակարգի (հռոմէական ջեռուցման համակարգ) ցուցադրման աւելի մատչելի հնարաւորութիւնները, պեղուած հատուածներու վերականգնման եւ ամրակայման հնարաւորութիւնները:
Այցին ներկայ էին նաեւ վերականգնման աշխատանքներ, ինչպէս նաեւ տեխնիկական եւ հեղինակային հսկողութիւն իրականացնող կազմակերպութիւններու ներկայացուցիչները:
