Բրիտանիոյ օդերեւութաբանական ծառայութիւնը յայտարարած է, որ 1990 թուականէն ծովի մակարդակը Միացեալ Թագաւորութեան ափերուն մօտ 16,5 սանթիմեթրով բարձրացած է կլիմայական փոփոխութիւններու պատճառով:
Ըստ որում ծովի մակարդակը, ինչպչես կ՛արձանագրեն փորձագէտները, տարեկան կը բարձրանայ 3-5,2 միլիմեթրով, ինչ որ աւելի քան կրկնապատիկ կը գերազանցէ 20-րդ դարի սկիզբի նոյն ցուցանիշերը: Անոր հետեւանքով կը մեծնայ ափային գծի էրոզիան, ինչ որ փոթորիկներու ժամանակ կը յանգեցնէ բարձր ալիքներու: Կլիմայի փոփոխութիւնը ՙմօտ ապագային պիտի արագացնէ՚ այդ միտումը, կը նշէ Բրիտանիոյի Ովկիանագրութեան կեդրոնի աշխատակից Սվեթլանա Ճեւրեճեւան:
Հեղեղման սպառնալիքի տակ կրնայ յայտնուիլ, հետազօտողներու գնահատմամբ, շուրջ 500 հազար տուն: Ինչպէս աւելի վաղ հաղորդուած էր, մինչեւ 2050 թուականը ծովի մակարդակը Բրիտանական կղզիներու մերձակայքին պիտի բարձրանայ 35 սանթիմեթրով: Աւելի խոցելի շրջաններուն մէջ կը թուին որոշ քաղաքներ Անգլիոյ հիւսիս-արեւմուտքը, հարաւ-արեւմուտքը եւ հարաւ-արեւելքը:
Գիտնականները կը նախազգուշացնեն, որ այդ շրջաններուն բնակիչները պէտք է պատրաստ ըլլան տեղեփոխուելու, եթէ իրենց տուները յայտնուին վտանգի գօտիին մէջ: Այդ տնային տնտեսութիւններու պահպանումը բնակութեան համար պիտի ըլլայ անհնար կամ տնտեսապէս անշահաւէտ, կը գտնեն մասնագէտները:
