Գոլոմպիոյ մարզադաշտերուն վրայ շարունակուեցան Հարաւային Ամերիկայի կիներու ֆութպոլի բաժակի մրցումները: Կիսաւարտական հանգրուանի երկրորդ մրցումին, Պրազիլի հաւաքականը մրցեցաւ Փարակուէյի դէմ, Պուքարամանկա քաղաքի մարզադաշտին վրայ: Պրազիլի հաւաքականը ունէր տարածքային առաւելութիւն, որ հասաւ 69 առ հարիւր համեմատութեան: Խումբը աւելի յաճախ երեւցաւ Փարակուէյի բերդին առջեւ եւ կրցաւ կատարել 8 դիպուկ ու 4 անկիւնային հարուած, որոնցմէ երկուքը կոլի վերածեցին ՙՓալմեյրաս՚ի յարձակող Արի Պորկաս 16-րդ եւ ՙՓալմեյրաս՚ի յարձակող Պիա Զաներաթթօ 28-րդ վայրկեաններուն, Զաներաթթոյի եւ Անթոնիայի փոխանցումներով: Փարակուէյի հաւաքականն ալ կատարեց 3 դիպուկ ու 5 անկիւնային հարուած: Մրցումը աւարտեցաւ Պրազիլի յաղթանակով: Աւարտական մրցումին, Պրազիլ պիտի մրցի Գոլոմպիայի հաւաքականին դէմ: Ստորեւ տեսնել արձանագրուած արդիւնքը.
– Պրազիլ – Փարակուէյ 2-0
